Tamil Thirukural

Friday, October 22, 2010

Tamil kavithai-Love Poetry


 
புதுப் புதிதாய் இன்பம்
புரியாத சோகமயம்
கதை பேசிக்கொள்ளும்
கண்கள் கண்டால் காணாமல் 
போகும் மனசு

பிரிகின்ற போது
இமை நனைக்கும்
கண்ணீர்
பிரியாமல் கூட வரும்
உன் நினைவு

கனவு காண்கையிலும்
உன் இதயம் சுமக்கும்
உணர்வு
எப்போதும்
என் தனிமையில்
துணையாகும் உன் மனது

படிக்கின்ற வேளையில்
பாடமாக
உந்தன் குறும்புகள்

ம்ம்ம்

முதல் முதல்
புன்னகை முகத்தோடு
கையிலே ரோஜா மலரோடு
கல்லூரி வாசலிலே நீ காத்திருந்த
ஞாபகம் எப்போது நினைத்தாலும்
என்னை மலரவைக்கும்

இது மட்டுமா
அடிக்கடி உன்னைத் தேடிப் பார்க்கும்
கண்கள் தொலைவினில் நீ என்பதை
மறந்து என்னை ஏங்கவைக்கும்

இதயம் துடிக்கும் போதெல்லாம்
உந்தன் பெயரே ஒலிக்கும் காதோரம்

காதலனே காதலனே
கவிதையால் இணைந்தோம்
காலமெல்லாம் சேர்ந்து வாழ

இனி ஒரு பிரிவு வேண்டாம்
இமைப்பொழுதில் வந்துவிடு
உயிராக உனைச் சேர வரம் தந்து
உன்னோடு எனை வாழ வை

நட்புடன்....
ரேவதி

Thanks to Ravithi.

No comments:

Post a Comment

Related Posts Plugin for WordPress, Blogger...

Blog Archive